Pas shumë sfidave me virusin Covid-19 i cili tani ka një numër më të ulët të infeksioneve në Evropë, lija e majmunëve është një tjetër sëmundje që po përhapet në Evropë.
Sipas infektologut Fadil Cana qytetarët nuk duhet të hyjnë në panik.
“Kjo sëmundje është e njohur në fushën e infektologjisë dhe daton që nga viti 1958 kur u izolua për herë të parëe nuk ka vend për panik tek qytetarët, edhe pse pas pandemisë Covid-19 në dy vitet e fundit vigjilenca për sëmundjet infektive është shumë më e lartë”,deklaroi Fadil Cana infektolog në Klinikën Infektive në Shkup
Në pyetjen e gazetarit të tv Klan M se si transmetohet kjo sëmundje dhe cilat janë simptomat e para, infektologu Cana tregon mënyrat:.
“Sëmundja transmetohet nga kontakti i ngushtë, shumica e rasteve të raportuara të sëmundjes lija e majmunëve janë tek individë që ne me fjalor mjekësor i quajmë MCM”
“Kjo sëmundje ka një periudhë inkubacioni 7-14 ditë me variabël që mund të jetë 5-20 ditë dhe manifestimi klinik është temperaturë, dhimbje koke, dhimbje muskulore, lifadenopati. Pas 1 deri në 3 ditë, në lëkurë shfaqen ndryshime, të cilat nisin nga skuqja fillestare”,deklaroi Fadil Cana infektolog në Klinikën Infektive në Shkup për tv KlanM.
