Frank Lampard vazhdon të lidhet me një punë të mundshme te Everton.
Skuadra e Everton ka kontaktuar ish trajnerin e Chelsea dhe gjasat janë të mëdha që ai të zyrtarizohet në stolin e Everton.
Sulmuesi i kësaj skuadre, Dominic Calvert-Lewin lidhej në këtë merkato me një kalim të mundshëm tek Arsenal, dhe Lampard ka filluar të vendos kushte edhe për këtë çështje.
Dailystar bën të ditur se Frenkie ka kërkuar nga Everton që të mos e largojnë lojtarin.
Lampard dëshiron që në aventurën e tij në ‘Goodison Park’ ta ketë edhe sulmuesin anglez.
Mbetet të shihet nëse Lampard do të zyrtarizohet sot tek Everton. Gjasat janë të mëdha që edhe Lewin të qëndrojë.
