Kush mund të jetë Kryeministri i ardhshëm i Mbretërisë së Bashkuar?

Boris Johnson ka dhënë sot dorëheqje që do thotë se tani do të ketë zgjedhje lidershipi për të vendosur se kush do të bëhet udhëheqësi dhe kryeministri i ardhshëm konservator.

Ata do të duhet të sigurojnë mbështetjen e deputetëve konservatorë, derisa dy kandidatët e fundit do të shkojnë në një votim të anëtarëve konservatorë. Por kush janë kandidatët e mundshëm?

Vlen të theksohet se shumica e këtyre deputetëve dhe ministrave nuk kanë potencuar ende nëse duan punën e liderit dhe kryeministrit konservator – por mund të jenë kandidatë potencialë.

Këta kandidatë potencialë sipas BBC-s janë: Rishi Sunak, Liz Truss, Sajid Javid, Michael Gove, Nadhim Zahawi, Jeremy Hunt, Suella Braverman, Penny Mordaunt, Ben Wallace, Tom Tugendhat dhe Steve Baker.

Si e zgjedhin konservatorët një lider të ri?

Pasi një lider konservator jep dorëheqje, fillojnë zgjedhjet për një lider të ri partie. Sipas rregullave aktuale, kandidatët kanë nevojë për për mbështetjen e tetë deputetëve konservatorë për të kandiduar.

Pasi të jenë deklaruar të gjithë kandidatët – nëse ka më shumë se dy kandidatë – deputetët konservatorë do të mbajnë një seri votash derisa të mbeten vetëm dy.

Në raundin e parë, kandidatët duhet të marrin 5 për qind të votave për të qëndruar në garë (aktualisht 18 deputetë);

Në raundin e dytë duhet të marrin 10 për qind (aktualisht 36 deputetë);

Në raundet në vijim eliminohet kandidati me më pak vota.

Kur të mbeten dy deputetë, të gjithë anëtarët e Partisë Konservatore në mbarë vendin – pra jo vetëm deputetët – do të votojnë për fituesin.

Afati kohor për çdo konkurs vendoset nga “Komiteti i 1922” i deputetëve të grupit mbështetës dhe komiteti mund të votojë për të ndryshuar rregullat përpara se të zhvillohet konkursi.

Si emërohet kryeministri i ardhshëm?

Kushdo që fiton garën për të udhëhequr konservatorët, do të bëhet kreu i partisë me numrin më të madh të deputetëve në Parlament.

Pastaj Mbretëresha do t’u kërkojë atyre të formojnë një qeveri. 

GAZETA.MK

Story i mëparshëm

Futbollistit iu prish kontrata 5 orë pas blerjes së tij

Story i radhës

Aleanca i prishë punët me Danellën, por i mbetet besnike VMRO-së!

Të fundit nga

AlbanianMacedonianEnglish