Xhevat Dajaku, vëllai i të ndjerit Besim Dajaku, ka reaguar pas marshit të sotëm në sheshin e Prishtinës.
Dajaku shkruan në facebook se ata që e duan UҪk-në do të thonin se ajo është e pastër si loti, por nëse dikush brenda saj ka bërë keq, përgjegjësia duhet t ëjetë individuale.
Sipas tij, ata që e ulin UÇK-në në bankën e të akuzuarve, janë dashakeqës ndaj UÇK-së.
Postimi i plotë:
Ata që e duan UÇK-në, edhe sikur ajo të ishte në bankën e të akuzuarve, do të thoshin: UÇK-ja është e pastër si loti. Nëse dikush ka bërë keq brenda saj dhe në emër të saj, ai ose ata janë individë dhe përgjegjësia duhet të jetë individuale.
Kurse ata që e ulin UÇK-në në bankën e të akuzuarve për shkak të veprimeve të disa individëve, pavarësisht pozitës apo rolit që kanë pasur, janë dashakeqës ndaj UÇK-së. Të tillët, duke u fshehur pas saj, përpiqen që veprat e pamatura të individëve t’ia atribuojnë gjithë UÇK-së dhe, kështu, të shkatërrojnë qëllimisht madhështinë dhe sakrificën e saj.
Por, për fat të mirë, këto janë vetëm krrakama sorrash, sepse drejtësia po bëhet nga ata që e shpëtuan popullin tonë nga shfarosja, e vërteta do të triumfojë. UÇK-ja mbetet pjesë e historisë dhe e sakrificës së popullit tonë.
Xh. Dajaku
Burimi: botasot.info
