Kryeministri Dimitar Kovaçevski në vizitën e tij të sotme në Bruksel ka takuar nënkryetarin e Komisionit Evropian, Josep Borell. Kovaçevski shkruan se në takimin me Borell ka theksuar nevojën urgjente për integrim të vendit dhe rajonit në BE.
“Nevojitet një zgjidhje dinjitoze evropiane për zgjidhjen e kontestit dhe zhbllokimin e negociatave. Në takimin me nënkryetarin e Komisionit Evropian, Josep Borrell theksova se veprimi i shpejtë me qëllim zgjerimin e BE-së me Maqedoninë e Veriut dhe vendet e tjera të Ballkanit Perëndimor është prioritet për sigurinë evropiane”, ka shkruar Kovaçevski.
