Kryetari i Komunës së Butelit, Darko Kostovski, ka marrë pjesë në shënimin e patronatit të shkollës fillore “Petar Zdravkovski – Penko”, ku nxënësit dhe mësimdhënësit kanë prezantuar një program të pasur artistik, të përgatitur me talent dhe përkushtim.
Kostovski ka përgëzuar drejtoreshën Mevlude Elezi Kryeziu për punën, angazhimin dhe menaxhimin e suksesshëm të shkollës.
Ai ka veçuar edhe një lajm të rëndësishëm për këtë institucion arsimor, duke bërë të ditur se pas disa dekadash shkolla po pajiset me fasadë të re, punimet e së cilës tashmë janë drejt përfundimit.
“Vazhdojmë të krijojmë kushte më të mira për arsimimin dhe zhvillimin e më të rinjve tanë”, ka theksuar Kostovski.
