Aktorja e njohur amerikane, Blake Lively, ka rikthyer vëmendjen e publikut me një paraqitje plot elegancë, gjatë një daljeje të rrallë në mbrëmje.
Ajo u fotografua në New York, ku mori pjesë në një event të organizuar me rastin e prezantimit të koleksionit të ri festiv të bizhuterive nga stilisti Brent Neale.
Ylli i serialit “Gossip Girl” zgjodhi një fustan të shkurtër të zi, të dekoruar me temina shkëlqyese dhe detaje me fjongo të zeza. Ajo e kompletoi dukjen me këpucë elegante të Christian Louboutin, një çantë të zezë dhe bizhuteri tërheqëse.
Flokët e saj bionde i kishte stiluar në valë të mëdha, ndërsa grimi elegant i jepte edhe më shumë shkëlqim paraqitjes së saj.
Kjo dalje vjen pas një periudhe kur aktorja ka qëndruar kryesisht larg vëmendjes publike, pas polemikave dhe betejës ligjore me aktorin dhe regjisorin Justin Baldoni, të lidhur me filmin “It Ends With Us”.
Çështja mes tyre u mbyll me marrëveshje në maj të këtij viti, ndërsa paraqitja e fundit e Lively duket si një rikthim në skenën e eventeve dhe mbrëmjeve të njohura në New York.
Burimi: botasot.info
