Kryetari i Komunës së Butelit, Darko Kostovski, bashkë me drejtoreshën e shkollës, Mevlide Elezi Kryeziu, ka ndjekur nga afër punimet për vendosjen e fasadës së re energjetikisht efikase në Shkollën Fillore “Petar Zdravkovski – Penko” në lagjen Shkup Veri.
Sipas Kostovskit, ky projekt kap vlerën prej 11 milionë denarësh dhe paraqet një investim të rëndësishëm që do të përmirësojë ndjeshëm kushtet e mësimit dhe njëkohësisht do të mundësojë kursime të konsiderueshme të energjisë.
Kostovski gjithashtu ka theksuar se Komuna e Butelit po investon në mënyrë të vazhdueshme në shkollat fillore komunale si kurrë më parë, duke realizuar kërkesat që dalin nga bashkëbisedimet me prindërit dhe mësimdhënësit.
“Po i përmirësojmë kushtet në shkollat tona komunale dhe po krijojmë një mjedis më modern, më të sigurt dhe më efikas për nxënësit tanë,” ka theksuar Kostovski.
