Agjencia për Ushqim dhe Veterinari pasdite i mori rezultatet nga ekzaminimet laboratorike të Institutit të Veterinarisë pranë Fakultetit të Mjekësisë Veterinare – Shkup, me të cilat te mostra nga një shpend i egër – kormoran nga rajoni i Shtipit, është konfirmuar prania e sëmundjes të gripit të shpendëve.
Për konfirmimin e këtij nëntipi të llojit të virusit, i cili nuk është zbuluar në fermë, por te një shpend i egër i ngordhur që u gjet në natyrë, do të kryhen ekzaminime laboratorike shtesë.
Raport për dyshim të rastit, AUV mori më 18 shkurt, kur nga ana e Shoqatës së Veterinarisë nga Shtipi, mostra nga shpendi i egër është dërguar për ekzaminim laboratorik në Fakultetin për Mjekësi Veterinare – Shkup.
Agjencia për Ushqim dhe Veterinari përgatit një zgjidhje, me të cilën do të zbatohen masa përkatëse për mbrojtje nga përhapja e virusit dhe vënin e tij nën kontroll, përfshirë edhe inspektime shtesë të fermave dhe regjistrim të shpendëve në ferma.
“Mbetet apeli për mbarështuesit e shpendëve, që t’i përforcojnë masat e sigurisë të fermave në një nivel më të lartë dhe ta ndjekin gjendjen shëndetësore të shpendëve. Nëse qytetarët gjejnë ndonjë shpend të egër të ngordhur në natyrë, u bëjmë apel që ta informojnë shoqërinë më të afërt veterinare apo Agjencinë për Ushqim dhe Veterinari”, thekson AUV.
