Komandanti i zjarrfikësve në komunën e Vushtrrisë, Fadil Hyseni, ka folur në lidhje me zjarret që kanë ndodhur në fshatrat e kësaj komune gjatë ditës së djeshme.
Hyseni theksoi se këto zjarre i konsideron si të qëllimshme.
“Faktikisht këto zjarre nuk është e drejtë të them, por këto janë zjarre janë të qëllimshme, nuk ka të bëj, që zjarri të shkaktohet, ndodh zjarri me ndodh aksidentalisht, Në situatën e djeshme, i quaj zjarre të qëllimshme”, potencoi Hyseni në Info Magazinë.
Ai potencoi se vetëm brenda një termini, kanë pasur gjashtë zjarre të lajmëruara.
“Dje ka qenë jo një ditë e rëndomtë, na u kanë shfaq disa zjarre, në një termin brenda 30 minutave i kemi pasur gjashtë zjarre të lajmëruara, kështu që i kemi mobilizuar të gjitha ekipet tona, ka qenë prezent edhe policia e Kosovës”, theksoi Hyseni.
“Kemi kërkuar ndihmë edhe nga njësitet tjera, kemi pasë edhe ekipet nga Mitrovica që kanë marrë pjesë”.
