komandanti i nato se per evrope viziton ministrine e mbrojtjes dhe fsk ne diskutohet per sigurine dhe stabilitetin ne kosove dhe rajon 6ae36fa10c07e

​Komandanti i NATO-së për Evropë viziton Ministrinë e Mbrojtjes dhe FSK-në, diskutohet për sigurinë dhe stabilitetin në Kosovë dhe rajon

October 29, 2026
1 minut lexim

Komandanti suprem i Forcave Aleate në Evropë (SACEUR), gjeneral Alexus G. Grynkewich, i shoqëruar nga e ngarkuara me punë në Ambasadën e SHBA-së Anu Prattipati, komandanti i KFOR-it gjeneral major Roberto Vergori dhe delegacionin e tij, u prit me ceremoni ushtarake nga komandanti i Forcës së Sigurisë së Kosovës, gjenerallejtënant Bashkim Jashari.

“Në kuadër të vizitës, gjenerali Grynkewich zhvilloi takime me ministrin e Mbrojtjes, Ejup Maqedonci, dhe Komandantin e FSK-së, gjenerallejtnant Bashkim Jashari, ku u diskutuan çështje me rëndësi për sigurinë dhe stabilitetin në Kosovë dhe rajon.

Po ashtu u vlerësua lartë zhvillimi dhe avancimi i FSK-së dhe palët u zotuan për ngritje të bashkëpunimit edhe në të ardhmen në mes të dy institucioneve.

Një ndër temat e diskutimit ishte edhe procesi i optimizimit të KFOR-it, në kontekstin e zhvillimeve të sigurisë dhe nevojës për koordinim të vazhdueshëm me institucionet vendore. Vizita riafirmon rëndësinë e partneritetit ndërmjet Republikës së Kosovës dhe NATO-s, si dhe përkushtimin e përbashkët për ruajtjen e paqes, sigurisë dhe stabilitetit në rajon dhe më gjerë. Forca e Sigurisë së Kosovës mbetet e përkushtuar në zhvillimin e kapaciteteve të saj dhe forcimin e partneritetit me aleatët, në funksion të përmbushjes së misionit kushtetues dhe avancimit të vazhdueshëm drejt standardeve euroatlantike”, njoftoi FSK-ja.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

eshr mbi 14 miliarde denare kredi per bizneset 44 e mjeteve per prodhimin vendas 6ae355012f71d
Lajmi i mëparshëm

EShR: Mbi 14 miliardë denarë kredi për bizneset, 44% e mjeteve për prodhimin vendas

edi rama eshte i ikur hoxha do te perfundoje si maduro nese tenton te bllokoje ndryshimin politik 6ae370025a078
Lajmi i radhës

“Edi Rama është i ikur” – Hoxha: Do të përfundojë si Maduro nëse tenton të bllokojë ndryshimin politik!

Të fundit nga

ShkoLartë