Përplasja e ardhshme e Liverpool-it me Real Madridin në 1/16-ën e Ligës së Kampionëve, pritet të shkaktojë shumë debate.
“Merseysiders” do të jenë të gatshëm për këto dy ndeshje të mëdha, veçanërisht atë në “Anfield Road” që do të jetë i stërmbushur për t’i dhënë mbështetjen e duhur lojtarëve.
Por, nëse tifozët nuk shihen si elementi që mund të ofrojë motivimin e majftueshëm, atëherë skuadra duhet vetëm t’i kujtojë vetes atë që Luka Modric i tha Mohamed Salahit në “Stade de France” pasi lojtarët e Carlo Ancelottit siguruan titullin e tyre të 14-të në këtë kompeticion.
Tek sa ishin takuar ballë për ballë në fushë në ceremoninë e ndarjes së trofeut, Modriç iu kishte drejtuar Salahit duke i thënë:
“Ok, ok, ti provo sërish herën tjetër”.
Salah, pa dyshim, do të përpiqet të marrë hakmarrjen e tij të vonuar prej kohësh, gjë të cilën e kishte thënë edhe në raste të tjera.
