Vladimir Putin mund të jetë duke përgatitur një sulm kibernetik ndaj interesave britanike, paralajmërua Sekretari i Brendshëm dhe GCHQ, teksa u kërkuan kompanive dhe shërbimeve publike të marrin “masa parandaluese” për t’u mbrojtur nga një sulm.
Për The Telegraph, Priti Patel tha se “me zhvillimin e kësaj krize” Qeveria pret të shohë “sulme kibernetike që synojnë Perëndimin”, përcjell Bota sot.
Në një artikull të veçantë, Lindy Cameron, kreu i Qendrës Kombëtare të Sigurisë Kibernetike të GCHQ (NCSC), paralajmëroi për një “kërcënim kibernetik të shtuar” dhe tha: “Sulmet kibernetike nuk respektojnë kufijtë gjeografikë”.
Britania shihet të jetë një objektiv i mundshëm, pasi ka marrë një rol udhëheqës në thirrjen e agresionit të Putinit, duke kërcënuar me pasoja të rënda në rast të një pushtimi.
Ditët e fundit, Jeremy Fleming, drejtori i GCHQ, ka informuar krerët e organizatave të përfshira në infrastrukturën kritike kombëtare të Mbretërisë së Bashkuar – si kompanitë e shërbimeve, komunikimet dhe ushqimore – për të forcuar mbrojtjen e tyre kibernetike në dritën e tensioneve në rritje mbi Ukrainën.
Ndërhyrjet publike nga zonja Patel dhe GCHQ erdhën pasi Boris Johnson paralajmëroi për një “moment rreziku ekstrem për botën” gjatë një fjalimi në Mynih të shtunën, në të cilin ai tha se planet ruse për të pushtuar Ukrainën dukeshin se ishin “në lëvizje”./Botasot
