Që tabloidët shpesh publikojnë lajme jo të vërteta, e dimë, por që do të arrinin deri këtu ndoshta nuk e kishit menduar. Një nga ish-kolegët aktorë të Meghan Markle ka zbuluar së fundmi se atij iu bë një ofertë e çmendur për të gënjyer për dukeshën.
Simon Rex, i cili punoi me Meghan në vitin 2005 për një episod të sitcom-it UPN Cuts, thotë se disa tabloide britanike i ofruan atij 70,000 dollarë për të pretenduar se ai dhe Meghan kishin fjetur së bashku para se ajo të lidhej me Princin Harry. Simon rrëfeu më tej se, edhe pse nuk ishte aspak mirë financiarisht në atë kohë, ai refuzoi pa e menduar dy herë.
“Isha i dëshpëruar! Më duheshin vërtet paratë,” shpjegoi Simon në një intervistë të re me The Guardian për rolin e tij në Red Rocket. “Por vetëm të vuaja për bukën e gojës që ta bëja atë gjë.”
Në realitet, Simon dhe Meghan patën një drekë miqësore, por nuk ndodhi asnjë më shumë.
“Ne shoqëroheshim, sepse bëmë një shfaqje televizive së bashku,” shpjegoi ai për lidhjen e tij me Meghan gjatë një interviste për podcastin Hollywood Raw. “Ajo ishte dikush që e takova në një shfaqje televizive, dhe ne u takuam për drekë dhe kjo ishte ajo që ndodhi.”
Me sa duket, Meghan e mësoi për ofertën e tabloidit dhe integritetin e Simon ndaj ryshfetit dhe ishte aq mirënjohëse, saqë i shkroi personalisht një shënim falënderimi ku thuhej:
“Është mirë të dish se ka ende njerëz të mirë”.
Madje, Simon e konfirmoi këtë gjë në një postim në Twitter, duke zbuluar se e vendosi letrën falënderuese nga Meghan në një kornizë.
