Irani njoftoi kapjen e “4 ekipeve operacionale” që dyshohet se kanë lidhje me agjencinë izraelite të inteligjencës Mossad, e cila po përgatitet për një akt terrorist gjatë demonstratave për Mahsa Aminin në Iran, transmeton Anadolu Agency (AA).
Sipas agjencisë së lajmeve Tesnim, Ministria iraniane e Inteligjencës dha një deklaratë me shkrim për këtë temë.
“U kapën 4 ekipe operacionale të përbëra nga spiunë të Mossad-it. Regjimi sionist synoi të drejtonte ekipet e operacionit dhe të kryente shumë akte të kombinuara terroriste duke përfituar nga kryengritjet që shpërthyen në pjesë të ndryshme të vendit në javët e fundit. Të gjithë terroristët u kapën pa kryer asnjë aktivitet”, thuhet në deklaratë.
Deklarata e ministrisë nuk jep detaje për numrin e personave të arrestuar dhe identitetin e tyre.