I vuri flakën shtëpisë duke vrarë vajzën e saj 4-vjeçare, në pranga nëna 45-vjeçare

Një nënë është akuzuar për vrasjen e vajzës së saj katërvjeçare, e cila vdiq tragjikisht në një zjarr në shtëpinë e tyre në Rusholme, Mançester, më 2 mars 2025.

Viktima, Lesma-Rose Wibier, u shpëtua nga zjarrfikësit dhe u dërgua në spital, por nuk mundi të mbijetonte. Policia konfirmoi se nëna e saj, Carrin Wibier, 45 vjeçe, është akuzuar për vrasje dhe zjarrvënie me qëllim rrezikimin e jetës.

Sipas ‘The Sun’, ajo mbetet në paraburgim dhe pritet të paraqitet në Gjykatën e Magjistraturës së Mançesterit të mërkurën, më 7 janar 2026.

“Akuza lidhet me vdekjen e vajzës katërvjeçare në shtëpinë e tyre në Gateshead Close”, tha një zëdhënës i policisë.

Familja e të miturës më parë i bëri homazh Lesma-Rose, duke e përshkruar atë si një vajzë të zgjuar dhe të bukur, që sillte gëzim tek të gjithë ata që e njihnin.