Kosova pranoi sistemet e radhës raketore anti-tank, reagon Vjosa Osmani

Presidentja e Kosovës, Vjosa Osmani ka reaguar pranuar e dërgesës së radhës të sistemeve raketore anti-tank OMTAS nga Turqia në vendin tonë.

Osmani ka falënderuar Turqinë për armatimin sistemeve raketore anti-tank.

“Faleminderit Turqi”, ka shkruar Osmani në Facebook.

Republika e Kosovës sot ka pranuar dërgesën e radhës të sistemeve raketore anti-tank OMTAS, të kontraktuara me prodhuesin shtetëror turk Roketsan në dhjetor të vitit 2023.

Kështu bëri të ditur pak më parë Ejup Maqedonci, ministër në detyrë i Mbrojtjes.

“Sot pranuam dërgesën e radhës të sistemeve raketore anti-tank OMTAS, të kontraktuara me prodhuesin shtetëror turk Roketsan në dhjetor të vitit 2023.OMTAS (Orta Menzilli Tanksavar Silah) është një sistem modern raketor anti-tank me rreze të mesme veprimi, i zhvilluar për të neutralizuar mjete të blinduara moderne, përfshirë tanke me mbrojtje reaktive, si dhe fortifikata mbrojtëse ushtarake”, ka shkruar Maqedonci në Facebook.

Ai më tej thekson se “rritja e llojllojshmërisë dhe sasisë së sistemeve raketore anti-tank për ushtrinë tonë ka për qëllim mbulimin e distancave të ndryshme të veprimit, terreneve dhe skenarëve të kërcënimit, duke rritur fleksibilitetin operacional”.