Policia Kufitare ka evakuuar mesditën e sotme dy familjarë në zonën e Novoselës, ku ndodhen 10 banesa të komunitetit rom, të cilët nuk kishin dashur të largoheshin më parë.
Pavarësisht se niveli i ujit kishte arritur rreth një metër e gjysmë brenda shtëpisë, ata kishin mbetur të izoluar.
Policia Kufitare, në bashkëpunim me forcat Delta Force, ka nxjerrë dy të moshuarit dhe më pas i ka transportuar me gomone drejt rrugës kryesore në njësinë administrative Vjosë.
Në pamjet e siguruara nga korrespondenti i Top Channel Mikel Marsi, shihet momenti kur i moshuari transportohet me varkë, ndërsa në prehër mban qentë e tij dhe një dhi. Ai ka marrë edhe disa nga sendet e tij që ka pasur në banesë, për t’i shpëtuar nga përmbytjet.
Top Channel
Burimi: top-channel.tv
