Protestuesit prej më shumë se dy orësh po vijojnë protestën e tyre paqësore para Kryeministrisë kundër ndërtimit në Zvërnec.
Protestuesit prej ditësh kanë treguar anën e tyre njerëzore ndaj efektivëve të policisë ndërsa këtë të enjte kanë kryer edhe një gjest të veçantë.
Protestuesi shihet teksa u jap lule të kuqe dhe të bardha efektivëve të policisë të cilët janë vendosur kordon para ambienteve të Kryeministrisë.
Ky gjest vjen në shenjë solidariteti për policin e vrarë.
Policët nuk e refuzuan dhuratën e protestuesit teksa i janë përgjigjur me një buzëqeshje e më pas janë rikthyer në detyrë. Lulen e mbajnë në duar pas shpine teksa vijojnë detyrën e tyre.
Burimi: botasot.info
