Reperi i njohur shqiptar, Getinjo ka sjellur një projekt të ri muzikor.
Rap-artisti nga Ferizaj ka lansuar këngën me titullin “Hala”, të cilën e solli të kompletuar edhe nga ana vizuale.
Kënga erdhi me tekst nga vet reperi, për muzikën u përkujdes Fisnik Beatz, ndërsa puna për videoklipin iu besua Dimitri Rossi.
“Hala” tashmë gjendet e publikuar në kanalin zyrtar të reperit në YouTube, dhe padyshim do të mirëpritet nga ana e fansave.
Theksojmë që reperi ka qenë mjaft i angazhuar me koncerte dhe mbrëmje muzikore përgjatë gjithë sezonit veror.
Ndërkohë, sa i përket jetë private, ai thuhet se tashmë i ka dhënë fund lidhjes me Vivien Thano, me të cilën u lidh gjatë kohës që dyshja ishin pjesë e shtëpisë së Big Brother VIP Kosova.
