Fund dramatik, por pa fitues, në ndeshjen Sevilla – Valencia për javën e 10-të të La Ligas. U luajtën plot 104 minuta lojë, madje u akordua një 11-metërsh në favor të ekipit të Gattusos në minutat e fundit të shtesës, por portieri Bono bën mrekullinë përballë Gayas së Valencias.
Përfundoi 1-1 në “Sanchez Pizjuan” një takim që mund të ishte fituar si nga Sevilla ashtu edhe nga Valencia, por në fund pika e marrë nga skuadra e Jorge Sampaolit u festua si fitore.
Takimi, në fakt, u zhbllokua që në minutën e 6-të nga një “ujk” i vjetër i sulmit, Edinson Cavani. Goli i barazimit do të vinte vetëm katër minuta para përfundimit të kohës së rregullt dhe mban firmën e Lamelas, i cilësuar në fund njeriu i ndeshjes.
Sevilla bëri gjithçka në minutat e fundit për ta fituar ndeshjen, por rrezikoi seriozisht të humbiste kur pas një kundërsulmi të Valencias Kluivert u pengua fillimisht jashtë zonës por vijoi aksionin, me kryesorin që pasi u konsultuar me sistemin VAR akordoi 11-metërsh dhe karton të kuq për Salas.
Mjaftonte që Gaya të realizonte përballë Bonos e festa do të ishte për Valencias, por portieri mik ia kuptoi krahun, me “Sanchez Pizjuan” që shpërtheu në festë sikur të ishte një gol fitoreje.
