Britania e Madhe dhe Malta i kanë fituar ndeshjet e para në IHF Trophy të zonës evropiane, për grupmoshën e juniorëve (U20).
Në ndeshjen hapëse të kampionatit, Britania e Madhe fitoi 23:22 ndaj Bullgarisë, për të konfirmuar kështu synimet për ta fituar garën. Në ndeshjen tjetër të luajtur të martën në Pallatin e Rinisë në Prishtinë, Malta fitoi 34:33 ndaj Andorrës.
Të dy ndeshjet ishin interesante dhe u shfaq hendboll i mirë.
Të mërkurën janë dy ndeshjet tjera të grupmoshës U20. Prej orës 12:00 luajnë Bullgaria e Malta, ndërsa prej orës 18:00 takohen Britania e Madhe dhe Kosova.
