Mesfushori i Real Madridit, Toni Kroos e ka shprehur zemërimin e tij pasi që skuadra e tij nuk e fitoi çmimin për klubin më të mirë të vitit.
Pavarësisht një sezoni magjepsës, në të cilin Reali e fitoi Ligën e Kampionëve dhe titullin e La Ligas, Reali u mposht nga Manchester City në çmimin e ekipit më të mirë të vitit.
Liverpooli zuri vendin e dytë, pavarësisht se Reali e kishte mposhtur skuadrën e Jurgen Klopp në finale të Ligës së Kampionëve.
Reali po ashtu e eliminoi Manchester Cityn në gjysmëfinale të garës më prestigjioze evropiane, ku tani Kroos ka mbetur i nervozuar me vendin e tretë që e zuri Reali si skuadra më e mirë në botë.
“Ekipi i tretë më i mirë në botë për vitin 2021/22 – i lumtur Real Madrid?”, shkruante Kroos në “Twitter”.
