Një ngjarje e rëndë ka ndodhur në Nigeri. Të paktën 10 persona kanë humbur jetën si pasojë e një aksidenti rrugor pasi një kamion tip trajner humbi kontrollin në shtetin Katsina.
Trajleri i cili kishte 18 pasagjerë dhe një numër të paspecifikuar bagëtish humbi kontrollin dhe doli nga rruga në mbrëmjen e së enjtes në fshatin Gora.
Si pasojë, 10 persona humbën jetën dhe tetë të tjerët pësuan lëndime.
Për shkak të tronditjes së rëndë, edhe disa prej bagëtive që ndodheshin në trajner kanë ngordhur në vend.
Zëdhënësi Abubakar Usman tha se nga hetimet rezultoi që shoferi ishte duke fjetur në momentin e aksidentit.
