Arkivoli me trupin e Peles u transferua nga stadiumi Santos në varrezat “Ekumenika”; ku do të varroset legjenda e futbollit botëror.
Para stadiumit “Urbano Caldeira”, ku tifozët kanë ardhur për t’i dhënë lamtumirën e fundit Peles, një numër i madh tifozësh janë mbledhur për të parë kortezhin. Rrugët janë të mbyllura, raporton mediumi britanik “Mirror”, e cila ka gazetarët në vend të ngjarjes. Arkivoli me trupin e legjendës është dërguar në varreza nga një makinë e zjarrfikësve.
Arkivoli, nën çatinë e kamionit, ishte i mbuluar me flamujt e Brazilit dhe Santos, klubi ku ai kaloi pjesën më të madhe të karrierës së tij.
Sipas njoftimeve, vetë varrimi do të bëhet para familjarëve dhe sipas mediave braziliane, rreth 230 mijë njerëz i kanë dhënë lamtumirën Peles në stadiumin Santos, ku u ekspozua arkivoli.
Në stadium ka qenë i pranishëm presidenti i Brazilit, Luis Inacio Lula Da Silva, si dhe presidenti i FIFA-s, Gianni Infantino, dhe njeriu i parë i shtëpisë botërore të futbollit ka shkaktuar zemërim në rrjetet sociale me sjelljen e tij.
Shtatëmbëdhjetë vjeçarja braziliane, Giovanna Samento, priti tre orë në radhë për t’i dhënë lamtumirën Peles në stadiumin Santos, ku futbollisti legjendar kaloi pjesën më të madhe të karrierës së tij.
Ajo erdhi e shoqëruar nga babai i saj, i cili ishte veshur me një fanellë të kombëtares braziliane me emrin e Peles.
“Unë nuk e mbështes Santosin, as babai im. Por ky njeri themeloi ekipin kombëtar të Brazilit. Ai e bëri Santosin më të fortë, e bëri të shkëlqyeshëm dhe si mund të mos e respektoni atë? Ai është një nga njerëzit më të mirë”, ka thënë Samento.
Pele do të varroset këtë të martë në qytetin ku u rrit, ku u bë i famshëm dhe të cilin e ndihmoi të bëhej kryeqytet botëror i futbollit.
Para kësaj, do të bëhet një varrim, dhe më pas kortezhi do të shkojë nëpër rrugët e Santos në varrezat e afërta, ku ai do të varroset në mesin e familjes së tij.
Pele, i vetmi futbollist që ka fituar tre Kupa Botërore, vdiq më 29 dhjetor në moshën 83-vjeçare në Sao Paulo pas një beteje të gjatë me kancerin.
“Unë kurrë nuk e kam parë atë duke luajtur, por dashuria për Pelen është një traditë e transmetuar nga babai tek djali në Santos. Mësova gjithçka për të, duke parë golat dhe se si Santos u bë i rëndësishëm sepse Pele u bë i rëndësishëm.
Unë njoh disa tifozë të Santos, fëmijët e të cilëve ata mbështesin klubet e tjera, por kjo sepse ata kurrë nuk e kanë parë Pelen, sepse nëse do ta bënin, do të ndjenin mirënjohjen që ndjej unë tani”, tha 32-vjeçari Claudio Karanka.
