Një 62-vjeçare ka ndërruar jetë në banesë nga shkaqe natyrale, por askush nuk mund t’i afrohet shtëpisë së saj për shkak të borës që ka bllokuar rrugët në Atikë.
Të afërmit nuk kanë mundur të shkojnë të marrin trupin e vdekur për të kryer ritualet e varrimit.
Për pasojë e moshuara ka 24 orë e vdekur në shtëpi.
Denoncimi është bërë nga një qytetar, i cili ka raportuar në media se gjyshja e tij ka vdekur brenda shtëpisë së saj në Anthousa të Athinës.
Sipas familjarëve të saj, për shkak të motit të keq, në shtëpi nuk mund të afrohen as mjeku dhe as personat nga shërbimi i zyrës së funeraleve.
“E kam gjyshen të vdekur prej 24 orësh në shtëpinë e saj në Anthousa. Ka ndërruar jetë nga pleqëria”, ka thënë nipi i gruas fatkeqe.
