Chaney Jones iu kundërpërgjigj lajmeve se ajo dhe Kanye West janë ndarë, përmes një videoje dedikuar ditëlindjes së 45-të të reperit.
Jones ndau një montazh në Instagram që shfaqte foto të saj dhe West gjatë gjithë lidhjes së tyre dhe shkroi: “Gëzuar ditëlindjen zemër, të dua.”
Ajo gjithashtu mohoi lajmet në një koment në postimin e TMZ, duke shkruar:
“Ju lutem, ndaloni së postuari dhe përhapuri lajme të rreme për marrëdhënien time. Kini pak respekt, është ditëlindja e tij.”
Të mërkurën pasdite, ajo postoi një tjetër video të çiftit në një makinë me mbishkrimin:
“Të qesh me ty është gjëja ime e preferuar”.
Megjithatë, nuk dihet pse Jones i fshiu të gjitha fotot me Kanye-n nga profili i saj në Instagram, gjë që nxiti më tej thashethemet e ndarjes.
Një burim nga ana e West tha për Page Six se marrëdhënia e reperit dhe Jones u bë “e paqëndrueshme” pas udhëtimit të tyre në Tokio në maj, por gjithashtu pranoi historinë e sjelljes së çrregullt të West. Disa orë më vonë, TMZ raportoi se çifti ishin ndarë pas udhëtimit në Japoni.
