Dua Lipa doli për një natë argëtuese në qytet me disa miq të saj, Mark Ronson dhe gruan e tij, Grace Gummer, në New York të premten (30 shtator).
Lidhja miqësore, e cila me sa duket përfshinte një ndalesë për darkë, vjen dy ditë pasi ajo ishte parë në një takim darke me komedianin dhe prezantuesin e “Daily Show” Trevor Noah, shkruan DailyMail.
Lipa, 27 vjeçe, tregoi sensin e saj të modës në një veshje tërësisht të zezë, kur doli e vetme për natën e saj me miqtë në Manhattan.
Ylli i “New Rules” ishte veshur me një trupore që jepte një vështrim të mesit të saj me një hapje me rripa përgjatë barkut.
Me rënien e temperaturave dhe shiun në horizont, këngëtarja u mbulua me një pallto të gjerë që i ra pothuajse deri te kyçet e këmbëve të saj ndërsa mbante një çantë të madhe lëkure. Ajo kompletoi dukjen me një palë atlete të zeza, syze dielli.
Të mërkurën, Lipa dhe Noah u fotografuan duke u puthur dhe përqafuar gjatë darkës së tyre komode në restorant xhamajkan.
Ata dukeshin se kishin kimi mes tyre, veçanërisht kur e mbyllën mbrëmjen e tyre së bashku me një puthje dhe përqafim të ëmbël përpara se të nisnin rrugët e tyre të ndara.
Nata e takimit të tyre vjen pas njoftimit të Noahs se ai po largohet nga shfaqja e tij prej shtatë vitesh “Daily Show”.
Pavarësisht gjithë muhabetit, People raportoi se dyshja po e mbajnë marrëdhënien e tyre platonike, me një burim tha se ata janë ‘thjesht miq’.
Page Six kishte një qëndrim të ndryshëm për darkën e tyre dhe raportoi se lidhja e tyre është në fazat e hershme të takimit, por nuk i quajti ata çift.
Një tjetër burim zbuloi që ishte ‘padyshim një takim’ dhe se komediani ishte ‘një zotëri’ gjatë gjithë mbrëmjes.
“Ka padyshim interes në të dy anët”, këmbënguli burimi i Page Six.
Romanca e fundit e njohur e Lipës ishte me modelin Anwar Hadid, 23 vjeç. Ata u ndan në dhjetor 2021 pas më shumë se dy vitesh si çift.
Noah u takua për herë të fundit me aktoren Minka Kelly, 42 vjeç, por ata shkuan rrugët e tyre majin e kaluar pasi ishin bashkë që nga viti 2020.
