Me mijëra vetë u mblodhën për protestën “Shqipëria në rrezik” të drejtuar me sukses nga Prof. Dr. Sali Berisha.
Nuk ka demokraci pa një opozitë të fuqishme. Protesta e djeshme tregoi se shqiptarët nuk do të pranojnë që t’u shkelen të drejtat, nuk do të pranojnë skandalet e korrupsionit që po zbulohen çdo ditën e që dëshmojnë përzjerjen e zyrtarëve të lartë socialistë. Nuk do të pranojnë shtrenjtimin e papërballueshëm të jetesës në një kohë kur bizneset me lidhje politike pasurohen me ndihmën e pushtetit. Nuk do të pranojnë një qeveri që bën aleancë me Beogradin, për Ballkan të Hapur që përjashton Kosovën dhe interesat kombëtare shqiptare në rajon.
Këto politika vërtet që e vendosin Shqipërinë në rrezik sepse vendi po zbrazet nga emigracioni. Rinia dhe profesionistët vazhdojnë të largohen.
Shqiptarët nuk duhet të rrinë heshtur e mënjanë. Duhet të ngrenë zërin. Të organizohen e mobilizohen për ndryshim politik. Demokracia nuk funksionon nëse nuk ka një opozitë të fortë dhe nuk ka ndryshime në qeveri e pushtet. Pas gati 10 vitesh, te Edi Rames në krye të qeverisë dhe ku partia e tij mban gjithe pushtetin, koha ka ardhur për ndryshim.
