Komuna e Çairit ka njoftuar se sot nisin zyrtarisht “Ditët e Sportit”, një nga aktivitetet kryesore në kuadër të manifestimit “Vera Kulturore e Çairit 2026”.
Për pesë ditë me radhë, Sheshi Skënderbeu në Shkup do të shndërrohet në qendër të garave sportive, argëtimit dhe aktiviteteve rinore, duke mbledhur sportist, të rinj dhe qytetarë të shumtë.
Nga Komuna e Çairit theksojnë se manifestimi synon promovimin e sportit, jetës së shëndetshme dhe aktivizmit rinor, ndërsa premtohet një atmosferë dinamike dhe festive gjatë gjithë javës.
“Ditët e Sportit” zhvillohen në kuadër të “Verës Kulturore të Çairit 2026”, ndërsa organizatorët kanë ftuar qytetarët që të bëhen pjesë e këtij aktiviteti dhe të shijojnë garat, energjinë pozitive dhe programin e pasur që do të ofrohet në ditët në vijim.
