Gjatë vizitës, zyrtarët amerikanë emëruan edhe ambasadorin e ri të SHBA në Ukrainë, shkruan BBC, transmeton Bota sot.
Diplomatja veterane Bridget Brink, e cila aktualisht është ambasadore në Sllovaki, do të plotësojë një pozicion që ka mbetur vakant që nga fillimi i vitit 2020 nën administratën e Donald Trump. Mediat amerikane raportuan se presidenti Joe Biden do ta emërojë atë më vonë të hënën.
SHBA tha gjithashtu se po rishikonte kushtet e sigurisë në kryeqytetin Kiev dhe do të rihapë ambasadën atje sapo të lejojë situata, në një shtysë të re diplomatike në Ukrainë që nga pushtimi i Rusisë gati dy muaj më parë.
Ambasada mbetet e mbyllur me një zyrë të përkohshme që është zhvendosur në Poloninë fqinje. Stafi i ambasadës do të fillojë të bëjë udhëtime ditore në qytetin perëndimor të Ukrainës Lviv në ditët në vijim, sipas mediave amerikane.
