Besiana sot nuk ekziston si klub! Si klub i mbijetoi regjimit serb por disa vite pas lufte u shua.
Besiana, klub që u themelua në vitin 1995, u bë kampione në vitin 2001-2002, po ashtu fitoi edhe Kupën dhe Suprkupën e Kosovës.
Në vjeshtën e vitit 1997, përfundoi në vend të tretë me 30 pikë në Ligën Unike të Kosovës, aq sa kishte edhe kampioni vjeshtor Besa e Pejës dhe Vëllaznimi i Gjakovës në pozitën e dytë, duke lënë pas Prishtinën me 28 pikë, që renditej në vend të katërt.
Ertan Xhihiqi, president i klubit, në gjeneratën e sakrificës dhe në vitet e pas luftës, shkriu pasurinë për futbollin e Kosovës.
Njeriu që nuk kurseu asgjë në rezistencë ndaj pushtuesit serb.
Xhihiqi ka qenë i përkushtuar në futboll, duke krijuar kushte fantastike në klub, i cili në vitin 1997 me ekipi e tij shkoi në Turqi.
Ish futbollisti i mirënjohur, Fatmir Namani, kujton kohën dhe golin që shënoi në fitoren me rezultat 2:0 ndaj ekipit turk nga Stambolli, “Jeshil Ballar Pendik”.
Një fitore që nuk e harron kurrë në vitin 1997.
Bejtush Bejta shquhej me topa nga diagonalja kundër ekipit turk.
Në foto, në këmbë nga e majta trajneri Selatin Vokrri, Bekim Mulliqi, Adil Vokrri (kapiten), Fatmir Namani, Driton Rrahmani, i ndjeri trajneri Emin Simnica, Fitim Hoxha, Arlind Vokrri, Bislim Metehija, kryesi të klubit Muhamet Hasani, i ndjeri trajneri Shaban Hajrullahu!
Ulur poshtë nga e majta Eroll Salihu, Jeton Çubreli, Eroll Kunushefci, Baki Bulliqi, Bejtush Bejta, Ertan Xhihiqi – kryetar dhe Isuf Deda – trajner i portierëve.
