Janë luajtur tri nga katër ndeshjet e para të javës së katërt të Superligës në volejboll për femra. Partizani vijon të dominojë, duke korrur suksesin e radhës dhe kryeson renditjen me 12 pikë të plota.
Të kuqtë mposhtën 3-0 Barleti Volley në derbin kryeqytetas. Një ndeshje në përgjithësi e dominuar nga Partizani, që vuajti disi vetëm në setin e dytë (25-12, 26-24, 25-20). Për Barlei kjo ëhstë humbja e partë në kampionat.
Fitoren e parë korri Vllaznia, që fitoi 3-1 ndaj Lushnjës. Ekipi myzeqar fitoi 26-24 setin e parë, por më pas erdhi përmbysja e ekipit shkodran, që fitoi tri setet e tjera: 25-20, 25-17 e 25-19. Pa probleme fiton Tirana, që mundi 3-0 Korabin (25-15, 25-7, 25-9).
Superliga-Femra, java e 4-t
Korabi – Tirana, 0-3
Lushnja – Vllaznia, 1-3
Barleti Volley – Partizani, 0-3
Skënderbeu – Teuta, 22 tetor
Renditja: Partizani 12 pikë, Skënderbeu 9 pikë, Tirana 9 pikë, Barleti Volley 8 pikë, Lushnja 4 pikë, Vllaznia 3 pikë, Teuta 0 pikë, Korabi 0 pikë.
