Barcelona është duke u munduar ta gjejë rrugën më të lehtë për të arritur deri tek Robert Lewandowski.
Gjiganti katalunas është i gatshëm t’i ofrojë 30 milionë euro për kartonin e sulmuesit polak.
Por, ata mund t’i paguajnë maksimumi 35 milionë euro për lojtarin, i cili ka kontratë me Bayern Munichun deri në vitin 2023.
Por, nëse Bayerni kërkon më shumë para, Barça është e gatshme t’ia ofrojë atij në këmbim sulmuesin, Memphis Depay.
Klubi katalunas dëshiron ta shesë holandezin, i cili nuk bën pjesë në planet e trajnerit Xavi Hernandez.
Lewandowski nga ana e tij është i vendosur të largohet nga “Allianz Arena” dhe ta provojë një eksperiencë të re jashtë Gjermanisë, më saktësisht në Spanjë.
