Avdyli: Më ka ndodhur të gaboj emrin e nuses dhe dhëndrit në fejesë

Këngëtari i njohur Xhavit Avdyli, ka folur për jetën e tij personale dhe karrierën muzikore, duke ndarë edhe një moment interesant nga përvoja e tij shumëvjeçare në skenë.

I ftuar në emisionin ”Weekend”, Avdyli ka treguar se puna e tij si këngëtar, sidomos në ahengje familjare, shpeshherë është e lodhshme dhe plot sfida, pasi këndon pothuajse çdo natë.

Ai ka rrëfyer edhe një rast të sikletshëm që i ka ndodhur gjatë një fejesë, ku për shkak të angazhimeve të shumta, kishte gabuar emrat e nuses dhe dhëndrit.

“Kur këndon çdo natë, e ke problem, sepse mua më ka ndodhur, për shembull, që fatkeqësisht një natë kam pasur një fejesë dhe të nesërmen një tjetër dasëm, dhe ia kam thënë emrin nuses dhe dhëndrit krejt gabim. Kur e pashë që po qeshnin, atëherë e kam kuptuar”, tha Avdyli.