Trajneri i Arsenalit, Mikel Arteta mendon se skuadra e tij është trajtuar në mënyrë të padrejtë nga Premier Liga duke iu dhënë një listë e ngjeshur e ndeshjeve.
Pas humbjes 2-0 nga Liverpooli të mërkurën, “Topçinjtë” do të luajnë ndeshjen e tyre të tretë në harkun e gjashtë ditëve kur do të përballen me Aston Villan.
Muajin e ardhshëm skuadra e Londrës veriore do të ketë një tjetër kalendar të vështirë kur do të përballet me Chelsean dhe Manchester Unitedin brenda tre ditëve.
Orari e ka lënë trajnerin të pakënaqur dhe me sarkazëm ka falënderuar Premier Ligën që i ka dhënë një kalendar kaq të ngjeshur.
“Faleminderit shumë Premier Ligës që e bëri këtë”, u tha Arteta gazetarëve pas humbjes nga Liverpooli.
“Dhe ata e kanë bërë atë përsëri kur ne duhet të luajmë me Chelsean dhe Manchester United. Pra, nëse ata duan t’u japin atyre ndonjë avantazh, unë u them atyre sot: Faleminderit shumë që e bëtë këtë”.
“Premier Liga nuk do ta ndryshonte orarin. Është gjithmonë BT, është Sky, është ky, është ai. Por ai që preket është Arsenali dhe e vetmja gjë për të cilën më intereson dhe neve na intereson është Arsenali. Dhe për Arsenalin nuk është e drejtë”, tha në fund Arteta.
Pavarësisht periudhës së ngjeshur, Arteta thotë se lojtarët e tij do të jenë gati të shkojnë për të luajtur dhe për të dhënë maksimumin kundër Aston Villas.
“Po, 100 për qind. Mos u shqetësoni lojtarët të shtunën do të jenë atje, me energji”, tha ai.
Arsenali është ende në vendin e katërt në tabelë dhe qëndron një pikë përpara Manchester United, por skuadra e Artetës ka dy ndeshje më pak të zhvilluara.
