Tetori njihet si muaji i historive misterioze, kungujve të vjeshtës dhe gjetheve që fillojnë të bien nga pemët. Megjithatë, atmosfera festive e Krishtlindjeve tashmë ka nisur të ndihet, falë fushatës së re magjike të Dior Beauty, me protagoniste aktoren e njohur Anya Taylor-Joy.
Aktorja 30-vjeçare britaniko-argjentinase ka mahnitur me elegancën e saj, duke u shfaqur me një fustan krem, të kombinuar me këpucë të bardha me taka të ulëta, të zbukuruara me një fjongo delikate.
Në fotografitë e realizuara për fushatën festive, ajo shfaqet duke shkëmbyer dhurata me modelen 22-vjeçare Deva Cassel, e cila kishte zgjedhur një fustan të bardhë pa rripa, të kombinuar me taka të zeza, shkruan Daily Mail, transmeton “Bota sot”.
Dy bukuroshet pozojnë pranë një peme të Krishtlindjeve, të frymëzuar nga ëmbëlsirat tradicionale me xhenxhefil dhe të zbukuruar me drita vezulluese, duke krijuar një atmosferë përrallore.
Në këtë fushatë, e cila fton publikun të shijojë magjinë e festave të fundvitit, Anya Taylor-Joy shfaqet e rrethuar nga flokë dëbore të ndriçuar, ndërsa flokët e saj të gjatë biondë i bien hijshëm mbi shpinë.
Si ambasadore globale e markës Dior, aktorja sjell një kombinim të elegancës, bukurisë dhe atmosferës festive, duke i dhënë një shkëlqim të veçantë fushatës së këtij viti.
Burimi: botasot.info
