Miliarderi Elon Musk ka bërë të ditur sot se Komisioni Evropian i ka ofruar atij ofroi një “marrëveshje sekrete të paligjshme” për të censuruar “në heshtje” fjalimin në rrjetin social X, pasi Komisioni Evropian akuzoi platformën mediale për shkelje të ligjeve digjitale të BE-së.
“Komisioni Evropian i ofroi X një marrëveshje sekrete të paligjshme: nëse ne e censuronim fjalimin në heshtje pa i thënë askujt, ata nuk do të na gjobisnin. Platformat e tjera e pranuan atë marrëveshje. X jo,” ”, shkroi Musk në X.
Deklarata e Musk erdhi si përgjigje ndaj akuzave të Komisionit Evropian sipas të cilave X ka shkelur Aktin e Shërbimeve Digjitale (DSA) në fushat që lidhen me “modelet e errëta, transparencën e reklamave dhe qasjen e të dhënave për studiuesit”.
Politika e shenjës së kaltër të platformës së mediave sociale ndikon negativisht në aftësinë e përdoruesve për të marrë vendime të lira dhe të informuara në lidhje me vërtetësinë e llogarive në platformë dhe përmbajtjen me të cilën ndërveprojnë, tha KE, pasi çdokush mund të abonohet për të marrë një shenjë të kaltër, e cila supozohet se tregon një “llogari e verifikuar”.
Për më tepër, KE tha se “X nuk përputhet me transparencën e kërkuar për reklamat, pasi nuk ofron një depo reklamash të kërkueshme dhe të besueshme”.
KE paralajmëroi se nëse pikëpamjet e tij paraprake do të konfirmohen përfundimisht, platforma X mund të përballet me gjoba të rënda duke përfshirë deri në 6 për qind të xhiros totale vjetore në mbarë botën.
Burimi: botasot.info
