Një aksident i rëndë me pasojë tre të plagosur ndodhi këtë mbrëmje në Qafë Thanë.
Dy automjete, njëra prej të cilave taksi, u përplasën me njëra-tjetrën. I plagosur rëndë mbeti një person, ndërsa dy të tjerë u lënduan lehtë, sikurse raporton korrespondentja e Top Channel, Bruna Kërçyku.
Siç duket edhe nga pamjet, goditja ka qenë aq e fortë, saqë të dy mjetet janë shkatërruar!
Dyshohet se shkak i aksidentit u bë një parakalim i gabuar, ndërkohë që rruga kishte edhe lagështi për shkak të shiut që përfshiu zonën këtë mbrëmje.
Top Channel
Burimi: top-channel.tv
