Rreth 3,500 protestues kundër luftës thuhet se janë arrestuar sot në të gjithë Rusinë, sipas agjencisë ruse të lajmeve Interfax duke cituar ministrinë e brendshme.
Rreth 2,500 njerëz morën pjesë në protestat në Moskë të dielën, nga të cilët 1,700 u arrestuan, shkruan BBC, përcjell “Bota sot”.
1500 persona të tjerë protestuan në Shën Petersburg, ku 750 u arrestuan më pas.
![Image](https://www.botasot.info/media/botasot.info/images/2022/March/06/auto_5b3b6893-bca4-43e1-8248-15d6534415c71646582065.jpg)
Foto nga vendi i ngjarjes
Gjithsej 1200 persona të tjerë morën pjesë në protesta në pjesë të tjera të vendit dhe 1061 prej tyre u arrestuan
Ata që u arrestuan u dërguan në stacionet e policisë lokale për t’u marrë në pyetje ku “po vendoset çështja e sjelljes së tyre para drejtësisë“, tha një zëdhënës i ministrisë së brendshme.
![Image](https://www.botasot.info/media/botasot.info/images/2022/March/06/auto_492a381e-cb62-4abc-974c-436f0bce7afe1646582067.jpg)
Foto nga vendi i ngjarjes
Sipas faqes së internetit të të drejtave të njeriut OVD-Info, gjithsej 10,946 persona janë arrestuar në protestat kundër luftës në të gjithë Rusinë që kur Moska filloi pushtimin e saj në Ukrainë.