Ekipet e NP “Parqe dhe Gjelbërim” këto ditë janë duke punuar në rregullimin e hortikulturës së hapësirës publike në komunën e Aerodromit në segmentin nga bulevardi “Fevruarski Pohod” deri në bulevardin “ASNOM”. Korridori i ngushtë i bulevardit “Serbia” është me sipërfaqe 2.427 metra katrorë, kurse ai i gjerë me sipërfaqe 6.912 metra katrorë.
Vazhdon rregullimi i korridorit të ngushtë në bulevardin “Vidoe Smilevski Bato” me sipërfaqe 1208 metra katrorë dhe më tej do të vijojë rregullimi i korridorit të gjerë me sipërfaqe 5100 m2.
NP “Parqe dhe Gjelbërim” gjelbëron hapësirën e gjelbër publike në bulevardin “ASNOM” në segmentin nga hotel “Rusia” deri te ura “Gjeneral Mihailo Apostolski”. Në rrugën e sapo projektuar, e cila mundëson lidhjen e komunave Aerodrom dhe Gazi Baba, është formuar një hapësirë e re në gjelbërimin qendror dhe në gjelbërimin anësor me sipërfaqe të përgjithshme 1143 metra katrorë.
Ka përfunduar rregullimi hortikulturor i sipërfaqes së gjelbër në bulevardin “ASNOM” nga rruga “Belasica” deri te objekti i NP “Higjiena Komunale” tek “East Gate”.
Sipërfaqet e rregulluara ndodhen majtas dhe djathtas të bulevardit, si dhe në zhardinierën qendrore, e cila është vendosur për shkak të zgjidhjes së re të trafikut, dhe kanë një sipërfaqe të përgjithshme prej 2046 metrash katrorë.
