Директорот на ЈП Градски Паркинг Бојан Христовски на денешната прес-конференција истакна дека Управниот одбор на јавното претпријатие „Градски Паркинг“ – Скопје донесе одлука за намалување на цената за паркирање во Скопје која ќе важи од први март.
Освен оваа одлука, во пресрет на граѓаните, среде економска крзиа, во план е да се градат нови катни и монтажни паркиралишта во Чаир, Аеродром, Центар и Кисела Вода.
Со ова што, како што рече Христовски, ќе се овозможи паркирањето во Скопје, не само да биде поевтино туку да биде и подостапно за граѓаните на Скопје.
