Главните прашања кои ги оспоруваат со негација на македонскиот народ и јазик, тоа е една лоша геноцидна политика кон еден народ и не смееме да го дозволиме. Треба да бидеме мудри и трпеливи и да не брзаме, рече Павле Трајанов, лидер на Демократскиот сојуз во емисијата 24 анализа во однос на процесите со Бугарија.
Според него она што се случува сега е рефлексија и на Договорот со Грција, зошто и таму сме напраиле отстапки.
– Кога Бугарија виде дека може да се разрешат некои прашања, тогаш почнаа тие процеси тезата за Живков дека сме дел од Бугарија, со години таа теза живее во Бугарија и со децении се гради дека ние сме еден народ со две држави. Јас сум умерен оптимист. Не гледам суштинско придвижување на процесите, вели тој.
