Градоначалникот на општина Ѓорче Петров, Александар Стојкоски, денеска заедно со градоначалничката на Град Скопје, Данела Арсовска, закројуваа лозје близу црквата Свети Трифун во Кучково по повод денешниот празник – Свети Трифун кој се смета за заштитник на лозарите.
-Чинот претставува желба за бериќетна и плодна година со желби за род на грозјето. По повод денешниот празник беше одржана и богослужба во црквата. Свети Трифун е поим за младост и доследност кон христијанските традиции. Црквата го чествува неговиот ден како ден на лозарите и градинарите. Овој ден за жителите на Кучково и околината е особено значаен и претставува вековна традиција која во иднина заеднички ќе ја негуваме. Нека е за многу години денот!, порача Стојкоски.
