„За една недела поради Ковид заразата починаа 150 жртви. Владата нема план за заштита на здравјето“, реагираат од опозициската ВМРО-ДПМНЕ.
Според нив вистинските прашања се: Зошто владата крена раце и државата ја пушти во слободен пад во борбата против ковидот? Зошто нема план и чекори во насока на превенција и заштита на новиот бран кој одзема животи? Владата може ли да препознае која е стратегијата која се презема за да се намали бројот на заразени? Зошто Ковачевски не ги почитува протоколите и нема маска на групните состаноци на владата? Зошто наместо на помош на здравствениот сектор, владата е фокусирана на тендерите и матните бизниси?“, прашуваат од партијата на Мицкоски.
Според нивните оценки во неделата кога како што велат починале 150 луѓе од коронавирус поминале сомнителни тендери од 1 милион евра на транспортна фирма за местење на колектори во МВР и 4 милиони евра за анонимна фирма за набавки на ДУИ во МОН, посочуваат од ВМРО-ДПМНЕ.
