Средба Петровска – Галовеј: Продолжува интензивната соработка меѓу Скопје и Лондон

Северна Македонија и Обединетото Кралство имаат исклучително интензивна соработка во одбраната и наша намера е таа да продолжи да се развива, изјави министерката за одбрана Славјанка Петровска на денешната средба со амбасадорката на Велика Британија во земјава, Рејчел Галовеј.

– Заедно постигнавме многу, но ќе продолжиме да бидеме амбициозни и да наоѓаме начини за уште поголем број на заеднички активности, вежби, обуки, школувања и убедена сум дека тоа ќе го постигнеме зашто постои искрена волја за соработка и поддршка од двете страни, истакна Петровска.

Амбасадорката Галовеј рече дека Обединетото Кралство силно ја поддржуваше Северна Македонија на патот кон НАТО, а по зачленувањето во Алијансата, соработката меѓу двете земји во повеќе области, а особено во областа на одбраната, се продлабочи. – Таа соработка во иднина нема да загуби од своето темпо, порача Галовеј.

Петровска и Галовеј разговараа и за ситуацијата во и околу Украина, при што го поздравија единството на сојузниците во НАТО во овој контекст, како и напорите за изнаоѓање на дипломатско решение на комплексната ситуација.

Како што соопшти Министерството за одбрана, Северна Македонија и Обединетото Кралство соработуваат во областа на обуките и во таа насока е воспоставената Координативна ќелија составена од британски офицери со кои соработуваме во развојот на полигонот „Криволак” како корисен национален и НАТО капацитет. Британски војници ќе бидат дел и од вежбата „Swift Response 22″, која е и најголемата воена вежба која годинава ќе се одржи на армискиот полигон „Криволак”.

– Обединетото Кралство ја помага и поддржува и трансформацијата на Армијата согласно стандардите на Алијансата и тоа преку британскиот советник, бригадниот генерал Џон Баурон стациониран во Министерството за одбрана, се додава во соопштението.

www.slobodenpecat.mk

Story i mëparshëm

Карпошани проблемите во општината може да ги пријават и преку сервисот „Е-општина“

Story i radhës

Temperatura të ulëta dhe dëborë, ja gjendja e fushës

Të fundit nga

AlbanianMacedonianEnglish