Египќанец, еден од помладите современици на Антониј Велики. Татко му беше свештеник. Од послушност кон родителите се ожени, но жена му набрзо умре, а тој се оддалечи во пустина, каде што помина полни шеесет години во труд и борба, внатрешна и надворешна, за Царството Небесно. Кога го прашаа зошто е толку сув и кога јаде и кога не јаде, одговори: „Од страв Божји“. Толку успеа да си го очисти умот од злите помисли и срцето од зли желби, што Бог го дарува со изобилен дар на чудотворство, така што и мртви воскреснуваше од гробовите. Неговото смирение ги восхитуваше и луѓето и демоните. Еднаш демонот му рече: „Само во едно нешто не можам да те надвладеам; тоа не е постот, зашто јас никогаш не јадам; не е бдеењето, зашто не спијам никогаш“. „А што е?“, праша Макариј. „Твоето смирение“, му одговори демонот. На својот ученик Пафнутиј, Макариј често му говореше: „Не осудувај никого и ќе се спасиш“. Живееше деведесет и седум години. Девет дена пред смртта му се јавија од оној свет свети Антониј и свети Пахомиј и му навестија дека за девет дена ќе умре, што и се случи. Уште пред самата смрт му се јави херувим, којшто во видение му го откри блажениот небесен свет, ги пофали неговиот труд и добродетели и му рече дека е испратен за да ја земе неговата душа во Небесното Царство. Се упокои во 390 година.
Të fundit nga
10 Shkup, 25 tetor – Në periudhën 18-24 tetor janë raportuar 10 raste të reja me
Të gjithë sytë janë te stadiumi Santiago Bernabeu, i cili do të presë El Clasicon mes
Zhvillimi i versionit të ardhshëm të Android, (të themi Android 16) është duke ecur mirë dhe
Ndërkohë që po i komentonte thinjat në flokë, Lela ka masazhuar Mevlanin. Derisa, po e shijonte
VMRO – Partia Popullore e ish-Kryeministrit, Lubço Georgievski, ka reaguar lidhur me shënimin e Betejës