Zonja e Parë e Türkiye-s, Emine Erdoğan, ka marrë pjesë në votimin për përzgjedhjen e fotografisë më të mirë nga fotoreporterët e Anadolu Agency (AA) për vitin 2022.
Në kategorinë “Lajme” ajo zgjodhi fotot e Amer Shallodit “Standardet Palestineze”; Mustafa Çiftçi “Operacioni Fillon”; Emrah Yorulmaz “Udhëtimi i parë i Togg-ut”; Doğukan Keskinkılıç “Fluturimi natën” dhe Ali Atmaca “Barka që do të thotë jetë”.
Në kategorinë “Sport”, zonja Erdoğan votoi për fotot “Sexhdeja e mirënjohjes” e Salih Zeki Fazlioğlu; “Kampionët” e Elif Öztürk Özgöncü; “Ecja mbi re” e Hilmi Tunahan Karakaya dhe “Notar” e Mustafa Yılmaz.
Në kategorinë “Mjedisi dhe jeta”, ajo zgjodhi fotografitë “Koha e ushqyerjes” e Mesut Varol; “Zemra e thyer” e Pavel Pavlovit; “Koha e korrjes në Bangladesh” e Muhammed Shajahan; fotografitë “Plastikë organike” dhe “Rrjetat e diellit” të Şebnem Coşkun; fotografinë e titulluar “Masalcı Nine ve Muciddin Amca” të Bestami Bodruk; “Tunelet e borës” të Sercan Küçükşahinit; “Shuarja e zjarrit” e Orhan Çiçekut; “Rituali i muzgut” të Ismail Kaplanit dhe “Momenti i jetës dhe vdekjes” nga Aytac Ünal’ın.
Gjatë votimit, është e mundur të votohen gjithsej 85 nga fotot më mbresëlënëse të fotoreporterëve të AA-së që përjetësuan tema të ndryshme si lufta, politika, sporti dhe jeta e përditshme gjatë vitit 2022. Mund të votoni 37 foto në kategorinë “Mjedisi dhe Jeta”, 22 në kategorinë “Lajme” dhe 26 në kategorinë “Sport”.
Fotot janë përzgjedhur nga redaktorët e fotografive të AA-së nga më shumë se një milion foto të publikuara në zona të ndryshme gjeografike të botës, nga Türkiye, Kina, Oqeani Arktik deri në Guatemala. Të gjithë të interesuarit që duan të votojnë mund të zgjedhin të paktën një foto për secilën nga kategoritë.
Votimi për fotografitë më të mira të vitit nga fotoreporterët e Anadolu Agency (AA) u mbajt për herë të parë në vitin 2012. Këtë vit votimi do të zgjasë deri më 16 janar 2023 dhe mund të votoni në faqen “yilinfotograflari.aa.com.tr”.
