Drejtori i Përgjithshëm i Emergjencave Civile, Haki Çako së bashku me ekspertë të tjerë ka shkuar drejt ishullit të Sazanit ku po bëhet vlerësimi i situatës për ndërhyrje të mëtejshme.
Ministria e Mbrojtjes njofton se në orët e para të mëngjesit të ditës së sotme janë shtuar trupat në terren.
Forcat e ndërhyrjes kanë krijuar breza të shpyllëzuar rreth vatrave të zjarrit për të parandaluar përhapjen e mëtejshme të flakëve.
“Në këto momente Drejtori i Përgjithshëm i Emergjencave Civile Haki Çako, i shoqëruar nga ekspertë zjarresh janë duke u kryer një rikonicion nga ajri mbi ishullin e Sazanit për të vlerësuar nevojën e ndërhyrjeve të mëtejshme. Ndërkohë që në orët e para të mëngjesit janë shtuar trupat e ndërhyrjes nga toka të cilët kanë krijuar breza të shpyllëzuara rreth vatrave të zjarrit”-njofton Ministria e Mbrojtjes.
