Në debatin për zgjatjen apo jo të mandatit të prokurorëve të SPAK dhe dy ditë pasi pro u shprehën edhe Shtetet e Bashkuara të Amerikës, Lëvizja Djathtas është e para parti që ka një përgjigje të qartë.
“ Do të doja të deklaroja sot gadishmërinë e Djathtas 1912 për të mbështetur, edhe me votën tonë pro në Kuvendin e Shqipërisë, çdo nisëm ligjore që synon zgjatjen e mandateve të prokurorëve të SPAK. ne e kuptojmë se SPAK nuk mundet i vetëm ta kryejë këtë detyrë që të çrrënjosë korrupsionin dhe krimin e organizuar, ndaj duhet dhe më shumë angazhim, nga çdo institucion dhe nga vetë qytetarët për ta luftuar këtë realitet gërryes në çdo nivel!” – theksoi Alibeaj.
Ish kolegët e tij demokratë por edhe ato socialiste i akuzoi se po tentojnë të minojnë punën e Spak, për të cilin tha se është i vetmi që po Lufton korrupsionin në vend.
“Edhe pse në 33 vite, Shqipëria ka dështuar në barazinë para ligjit, institucionet e drejtësisë, SPAK dhe GJKKO, janë shpresëdhënëse, ndaj dhe ne i mbështesim ato në mënyrë të pakushtëzuar për sa kohë do të sjellin një standart të ri në vënien e drejtësisë në vend. Çdo parti që thotë është produkt i PS ose PD kanë synim për të delegjitimuar SPAK dhe për ta sjell në sytë e publikut si një krijesë politike.”- u shpreh Alibeaj.
Gjithashtu, Alibeaj tha se nuk e mbështet komisionin për Antikorrupsionin të drejtuar nga Fatmir Xhafaj, pasi sipas tij, po deligjitimon punën e SPAK.
Burimi: botasot.info
